初開始縣道一八四像一尾幰公
從日頭落山話糸又毋通介地方
蟦哪到捱們厥個庄頭

擺擺阿爸車穀包去農會換肥料
就會撖捱擳啦到牛車頂高壓心

從第耶看哪出
縣道一八四像一穴老鼠窿
路兩脣介鐵刀木野野搭搭
噗出羅畢仔颺葉仔撖樹影仔

從第耶看哪出
縣道一八四像一尾蝻蛇
久久正會有一台摒屎牌送車
滿滿疊著太支嘛介虛糯奇
攻天攻地從山肚里剷哪出

重劃過後田塍改轉直角
嗒麻糕路打哇密麻嚌啁
耕田是緊來緊省工
但係緊來緊壞攢食

厥項時縣道一八四像一尾湖蜞
巴著捱等厥個庄頭
緊吸緊肥緊吸緊光生
歸庄介後生仔
卑伊
吸淨淨